يوميات مغربي مقهور

ياك الماليك اللي شاد كولشي والانتخابات لاش ؟

الصراحة ثم الصراحة المغرب ملكا وشعبا وحكومة من طنجة المغربية الى الكويرة الموريتانية التي أراد لها الإعلام المخزني أن تكون مغربية رغم انف الجنود الموريتانيين القابعين فيها ... وزعما هاد الناس مازال مابغاو يحشمو ..كايكولو الوطن غفور رحيم والله يرحم اللي كالها, ولكين ولدوا طلع فوق المنبر وخطب خطبة كخطب الحجاج بن يوسف الثقفي في منابر العراق وقال – ماشي الحجاج- راه الناس العدميين – يعني اللي مقاطعين- غادي نلقاو ليهم شي حل – عنداكم ايصحابكوم واش غادي يخدموهوم- هذا الحل ربما محاولة من اجل تطويع ما يسمونه بجيوب المقاومة راه ماشي المقاومة ديال فلسطين ولا العراق ...هاد المقاومة الغير المسلحة يقوذها بوزبال والذي بعلمكم حتى هو من هادوك اللي مقاطعين ومقطعين في نفس الوقت ... الحاصول حنايا أي الأغلبية الصامتة لن تذهب إلى صناديق الاقتراع رغم شفافيتها حيت مصنوعة من الزاج ماشي

أول بوزبال في التاريخ ؟

عادة ما كانت تطرح علينا مثل هذه الاسئلة في المسابقات التي تنظم في المدارس اللي ما قرينا فيها والوا , مثل من هو الرياضي الاول في المغرب ؟ من هو الفنان الآول في المغرب ؟ الجواب ليس بالطبع هشام الكروج او الستاتي فانتم ومصطفى العلوي تعرفون الجواب رغم انفكم ..

كانت السكويلة ديك الساعة مجرد ملحقة لوزارة ادريس البصري كنا كانقراو فيها الليف والبا جا اتا ... الى اخر تلك الحروف ..لكن ما كان يشد انتباهي انذاك هو ذلك الخوف من كل ما هو متعلق بالدين فلكي تخيفك معلمة التربية الاسلامية الوهابية كانت تقول لك راه عزرايل عندو الكرون وكاتخرج العافية من فمو .. صراحة لم اكن انذاك افرق بين عزرائيل والتنين الصغير الذي كان يبث في تلفزة 1 زنقة البريهي الرباط .

ربما تتسائلون ما علاقة المدرسة وعزرائيل مع بوزبال... واقول انني أريد فقط ان لا تتهموني باتهامات

سؤال : علاش منعوا نيشان؟

جواب: حيت الماليك عايق.

أييه ..كنت يوم السبت للماضي انتظر بشوق كبير العدد الجديد من مجلة نيشان طفت الحوانت والمكتبات كانسول عليها لكن معظم الإجابات تقول ماوصلاتناش هاد النهار ...خممت طويلا قلت في نفسي ربما أن مول الموطور ديال سوشبريس وقعت له حادثة سير على الطريق الرابطة بين وزارة الداخلية عفوا الرابطة بين الرباط ومدينة القنيطرة لذلك لم تصلنا الأعداد بسرعة ... فكرت ألف تخميمة ..ربما بنشمسي شاد عوطلة ومشا يتبحر مع